شفتها يانوااااف صدفة

**كلي دلع** · 07-03-2010 02:36 AM

بسم الله الرحمن الرحيم ..

السلام عليكم ورحمة الله وبركاته ..

قصيدة مبكية تحكي قوة المفارق

وان الايام تمر والسنين تمر والحب باقي في القلب
شفتها يانـــواف صدفة بعد ما غابت سنين
عند قسم المختبـر وسط مشفى الجامعة
جبيتها ثم قلت ممكن في سؤالي تسمحين
ناظــرت فينـي بدهــشة نظره متواضعة
قــــالت انته تـحسبني مــن بنات صايعين
تـحسبني في زماني عن طريقي ضايعه
قلت أنا ما راح أطول كـل أبوها كلمتين
وأبعــــدت عني شويه ثم جتنـي راجعـه
قـالت أسال واضح انك من رجال طيبيـن
بس هرجك يالسنـافي كان وشهوة دافعـه
قلـــت أنا حبيت وحده يوم كنا صغيـرين
ومن ثمان أسنيـن راحت للمواصــل قاطعـه
عقبهـا مــا ذقت نـوم يهتني به النايمين
ســاهر في طول ليلي لين شـمسي طالعـه
اذكر انه فيه حبه فـوق ثغـره مـن يميـن
واذكـر انه لا جــرينا كـــــان شعـره تابعـه
واذكر انـه عـــاشـق فالــورد الياسميـن
صـــــار قلبي بالورود اللي عشقهـا زارعـه
طابعا اسمه بقلبي فيه سين وفيه عــين
وفيه ألـــف وفيه دال وســط قلبـي طابعـه
قاطعتنـي بقولها سبحـان رب العالميـن
كـــررتـها مــــــره ومــــــــــرتيـن ورابعـه
قلـت وشفــيك وشبـلاك بابنيه ترجفـيـن
ليش عينك يابنيه مـــــن كـــــلامـي دامعة
قــالت الموقف وقلبي والمـحبة والحنين
كــيف أشـوفك بعد مــــا كنت عنك قانعة
قلت أنا بسالك أن كأنك أنتي تذكرين
عــن مواثيـق ثـمنها مــــن حــياتـي دافعـه
قالت ظروف الزمان ما تطيع العاشقيـن
بيعونـي غـصب حـــبك لو هو ماني بايعـه
أنا في دنياي حالي كنها حال السجين
حتى لــــو فكـــوا سراحه فيه شي مانعـه
زوجوني غصب واحد وحرموني حاجتين
السعــــادة فـي زمانـي والحيـــاة الرائعة
والحين أنا أم لثلاثة عندي ريم وياسمين
والولد ا سمه على اسمك والمشاعـر جايعـه

م,ن,ق,و,ل

تحيتي العطرة لكم ..
.
.
.
كلي دلع

**ابو عمر** · 07-03-2010 02:46 PM

**الذابــــــ11ــــــح** · 07-03-2010 03:22 PM

**شقاوي أصلي** · 07-04-2010 02:24 AM

قصيده لا تحتاج لتعليق او إشاده
ولكن فاضت قريحتي الشعريه
وحبيت اكتب هالأبيات البسيطه مجاراة لقائلها
والعذر والسموحه ان كانت مو بالمقام
شاكر ومقدر لكِ كلي دلع على نقلها
777
77
7
من يلومك قولي ماذقت شوق الحنين
يوم احلامك ياسعاد صارت ضااايعه
لا اخذتي من نصيبك حظ السعـيدين
ولا هم اتركوك تعيشين حياة راائعه
لكن هذا نصيبك وارضي مع القـانعين
واضح عذرك عسى حياتك دوم سالمه