تقرير رحلتي لبلاد الشام هذا العام 2010..!(متجدد)..!

**كلي دلع** · 08-17-2010 01:40 AM

السلام عليكم

مسائكم ... صباحكم ....| طاعة

تغطيه لرحلتي العائليه لبلاد الشام هذا العام 1431هـ

ننطلق على بركة الله ...!

**كلي دلع** · 08-17-2010 01:41 AM

....1....

كانت الانطلاقه من بريده يوم الثلاثاء 15\8
في تمام الساعه الثالثه ظهراً عبر طريق حائل السريع

من بريده الى حائل تقريبا 240
ومن حائل الى الجوف تقريبا 360
ومن الجوف الى القريات تقريبا 300

الطريق يفضل المشي فيه نهاراً لانه شوي خطر

هذي لوحة من الطريق

تم المبيت بالقريات ثم الموااصله للحدود الاردنيه...

صور من القريات

طلعنا من القريات الساعه 3 الظهر وتوجهنا لمنفذ الحديثه تقريبا يبعد عن القريات 10 كم

وعلى نفس الطريق فيه مكاتب للتربتيك >>ما يدخل للسوريا الا فيه

اخذناه بـ500

الله يخلف هذا منظر محطة دوليه!!

دخلنا الحدود الاردينه وكانت الاجراءات نوعا ما بسيطه

>>ماتحسون انه الصوره الي فووق تونا عليها

بعده سيدا على الحدود السوريه وهناااكـ توقفنا لتوحيل العملات وصلاة المغرب العشاء جمع تقديم

هذي الاسوااق الحره على الحدود >>والله ياعنده اشياء غريبه الصور بالجوال ورفضن ينزلن

تقضينا منها وتوجهنا نصلي
هذا المسجد ماشاء الله صوته كانه ماهر المعيقلي

خلصنا اجراءات الخروج من الاردن والدخول لسوريا
وتوجهنا لمضايا

هذا محل مخلل على الطريق >>اغلب الطريق بين دمشق ومضايا مثل كذا محلات مخلل وفواكة وخضار

وصلنا تقريبا مضايا الساعه 12 ليلا

اخذنا استراحة هنااكـ

هذا صورة من الاستراحه الاولى لكن ماعجبتنا

وطلعنا منها على طول لاستراحه ثانيه

هذي مظله السياره عباره عن شجرة عنب

>>من يقول اني راقيه فوق السياره اصور لكم

مدخل الفله

من اليوم الثاني
جوله داخل الاستراحه

مسبحنا >>نطافش فيه كل ظهر

حارس البستان >>من يقول اني مانزيت ولا هجيت يوم شفته

ورد استراحتنا

>>والله ياهي طويله ذي الشجره به طول اوب طبيعي

الصالة

هذا جاء يبيع علينا >>يدورون على الاستراحاات ويعرضون بضايعهم

على حدود الساعه 3 الظهر طلعنا لبلوداان
تعتبر بلودان ارفع منطقه واهي ابرد من الزبداني ومضايا

توجهنا للغداء بمطعم ..

ببسيهم غريب

قائمة الطعام اسفل علبة المناديل..!

اطلاله من الاعلى على سيارتنا القميلة

هذولا من ربعنا >>ياملغ الشباب السعوديين هنااك فاسخين الحياء والدين بالحدود

اخذنا جوله ببلودان بعده طلعنا للزبداني
بودان والزبداني ومضايا متقاربات بين الوحده والثانيه تقريبا 3 كم

>>بيني وبينكم شعب بسيط جداً
ماعندهم فخفخه مثلنا

توجهنا لسوق الزبداني>>كله سعوديين

ثم رجعنا لمضايا
اخذنا فاكهه على الطريق
>>طازجه وبدون كيماوي

الللحم عندهم رخيص قووه

وبكذا ينتهي يومنا

كونوا بالقرب مع باقي التقرير

لكل من مر من هنا

**شقاوي أصلي** · 08-17-2010 04:24 AM

ماشاء الله رحله موفقه
وتصوير رائع
بس وش دراك انها بدون كيماوي خخخخ>>>يستهبل
ننتظر باقي التقرير

**كلي دلع** · 08-17-2010 04:32 AM

خخخخ
وش درااني شي وااضح وضوح الشمس

**كلي دلع** · 08-18-2010 04:27 AM

.....2.....

من اليوم الثالت

بعد ماقمنا الظهر وتقهوينا وافطرنا
اخذنا جوله ببستان الاستراحه

هذا اخواني يسبحون الظهر

هذي جلستي عندهم اشرف عليهم وبنفس الوقت اعدل بالصور

على الساعه 3 نزلنا لدمشق

توجهنا لدمشق القديم ثم للجامع الاموي

**كلي دلع** · 08-18-2010 04:27 AM

هذي انا يوم كنت صغيره ذذ

طلعنا من الجامع ومقابل له سوق الحميديه بس بحكم اننا يوم الجمعه فثلاث ارباع المحلات مسكره لانهم مسيحين

فخلينا زيارتنا له يوم ثاني وتوجهنا لجبل قاسيون >>جبل المحشر

ساحة الامويين

جبل قاسيون ارفع نفطه بدمشق ويطل عليها كله

جلسنا فيه وتقهوينا لمين غابت الشمس ونزلنا منه >>موحش بقوه وخااصه بعد الاحداث الي سمعناها بسوريا

دخلنا بدمشق ولقينا هذي المحلات وقريب منهن بنك الراجحي صرفنا وحولنا العملات

ودخلنا هذي الحلوياات

بعده سيدا على مضايا

كونوا بالقرب مع الايام القادمه

**شقاوي أصلي** · 08-18-2010 04:53 AM

والله رخيصه البقلاوه عندهم
ماضفيتولي وحده من عندهم خخخخخخ
ننتظر باقي التقرير

**كلي دلع** · 08-18-2010 04:55 AM

من قال لك انه رخيصه عندهم
سعره اغلى من بريده

يوم شفنا انه سعره كذا قلنا نشري من الارياف افضل

**شقاوي أصلي** · 08-18-2010 05:04 AM

لا معندك سالفه ولد عمي
كل ماراح هناك يجيب معه بترااب الدراهم
بس يمكنكم جدد على الشام ولاتدلون الرخيص
وهذي شوفي مسجل عليها بـ200 ليره والريال= 13 ليره سوريه

**كلي دلع** · 08-18-2010 05:09 AM

ايه الي يروح للمصانع يلاقي رخيص

بس حنا نروح للاماكن الي على الشارع
غير هذا ماحنب من راعين البقلاوه ماتسوى اننا ننقلها من الشااام

متى ناكلها نجلس بالشهور ماطبت اثامينا مشان هيك ما اهتمينا فيها ابد

>>اذا اشتهينا الارياف ماسكر ابوابه